192

REGISTRES DU BUREAU

[i5₇o]

Poulin, Dauvergne, Bouquet, de Cressé, Eschevins;

President Lhuillier, Du Drac, Perrot, d'Athis, Larcher, Le Lievre, Sanguyn, de Chomedey, de Palluau, de Jumeauville, Huault et Aubery, Conseillers.

Sur quoy la matiere mise en deliberation, et après que lecture a esté faicte desd, lettres patentes du Roy et de l'arrest donné en la court de Parlement, le cinquiesme!¹' jour de juillet mil v° soixante et neuf, par vertu duquel lesd. Sanguyn et Le Prebstre auroient esté pourveuz desd, estatz de Conseillers de Ville^l2', et oy sur ce le Procureur du Roy et de lad. Ville ;

A esté conclud et deliberé'³' que, sans avoir aucun esgard ausd, lettres patentes du Roy, attendu que la plaine disposition et provision des offices de lad. Ville en appartient nuement et en plain droict à mesd. sieurs les Prevost des Marchans, Eschevins et vingt quatre Conseillers et non à aultres, que neanlmoings, pour recompenser et recongnoistre les services que lesd. Sanguyn et Le Prebstre ont cy devant faictz au bien de la Ville, tant ès charges d'Eschevins que èsd. estatz de Conseillers, nommement pendant les guerres et troubles derniers de ce Royaulme, auquel temps ayant esté esleuz et appellez par les Estatz de lad. Ville èsd. charges de Conseillers, il sembleroit peu raisonnable de les en voulloir aujourd'huy destituer, que le temps est calme et la ville plus deschargée d'affaires, et pour aultres bonnes et justes considerations, que lesd. Sanguyn et Le Prebstre joyront des droictz, previl-

leges, franchises, libériez et exemptions d'hostes, et dont à present joyssent lesd. Conseillers, sans le tirer à consequence pour l'advenir, pour quelque occasion ou personnes que ce soict;

Seront mandez par mandement particulier à toutes assemblées generalles qui se feront en l'Hostel de Ville;

Seront mandez aux assemblées qui se feront pour l'eslection des Prevost des Marchans et Eschevins, et en icelles auront voix délibérative et eslective;

Auront siege en la grand salle dud. Hostel de Ville après les Conseillers d'icelle,et après eulx auront voix délibérative;

Seront mandez à toutes congrégations, processions où seront appellez les Quarteniers et bourgeois, et en icelles marcheront devant lesd. Quarteniers et bourgeois;

Mais quand aux assemblées où seront seullement mandez les vingt quatre Conseillers en l'Hostel de la Ville, pour deliberer sur quelques affaires, ne seront aucunement mandez.

Et au surplus a [esté] ordonné et arresté en lad. assemblée que, advenant vaccation par mort de l'ung des vingt quatre Conseillers, du premier vaccant en sera pourveu led. sieur Sanguyn, et du deuxiesme led. Le Prebstre, sans qu'il soict proceddé à l'eslection'⁴' d'aultres, ny faire assemblée nouvelle, ny qu'ilz soient tenuz prester nouveau serment, attendu que par cy devant ilz l'ont faict pour raison desd, estatz de Conseillers ès mains des Prevost des Marchans, Eschevins et Conseillers de lad. Ville.

CCCXXXVI [XXIII]. — Pour l'entrée du Roy à Paris.

2 octobre 1570. (A, fol. 14 v°; B, fol. 18 r°.)

ct De par les Prevost des Marchans et Eschevins de la ville de Paris. "Sire Nicolas Paulmier, Quartenier de lad. Ville, appellez voz cinquanteniers et dixiniers, et avecq eulx faictes roolle et description de tous les notables enfans de ceste Ville, depuis l'aage de dix huict ans jusques à l'aage de trente cinq ans; lequel roolle

nous apporterez ou envoirez dedans demain'⁵'. Si n'y faictes faulte.

"Faict au Bureau, ce deuxiesme jour d'octobre l'an mil v° lxx.»

Semblables mandemens ont esté envoyez aux autres Quarteniers de lad. Ville.

⁽¹⁾ Lo quantième est resté en blanc dans A. ll s'agit de l'arrêt publié ci-dessus, page 120.

'-> L'élection de Jacques Sanguin et de Claude Le Prestre comme Conseillers de Ville, à la place de Guillaume de Courlay et de Nicolas Dugué, eut lieu le 8 juillet 1569 (ci-dessus n° CCXI, p. 121).

⁽³⁾ «Le present arresté a esté confirmé en autre assemblée du 1111° aoust v^c lxxib. (Note marginale du Registre B.)

'*' Le Registre A porte par erreur «execution-.

<⁵' Il sera plus amplement question de ces rôles des enfants de Paris au commencement de la relation de l'entrée de Charles IX (n'CCCLXXXVIII).